المصري الاصيل

غالبا المصري الأصيل ماكانش عنده أي مشكلة في رغيف العيش اللي كان بيتفرد على الرصيف في ال شوارع وممكن يكون محروق والجدع صاحب الفرن بيتحكم في اللي بيشترو زي مايكون عبيد عنده , عادي الرغيف ده مع الفول الصبح هو اللي بينفع مع المصريين , المصري الأصيل ماكانش برده عنده أي مشكلة وهو صغير لما كان معاه في ال فصل 50 واحد , آه هو مكانش بيتعلم حاجة بس أهو عمله حبّت أصحاب حلوين , المصري الأصيل معندهوش أي مشكلة إنه يشوف المرضى الغلابة مرميين فالطرقات بتاعت المستشفيات ,غالبا لإنه فاهم إنهم مش عارفين إيه لازمة الكرسي وأماكن الإنتظار الكتيرة اللي متوفرة للناس ده ,المصري الاصيل معندهوش أي مشكلة مع الفلاحين انهن ينزلوا الأرض من غير مايلبسو لبس مخصوص يحميهم , يقول له ليه يعني هو احنا فأروبا؟ أو إن يكون تعليمه على اده وميعرفش الاضرار بتاعت الكيماويات اللي بيستعملها أهو برده الراجل غلبان وكل الهمه القرش , عادي! يعمل اللي هو عايزه , واضح إن المصري الأصيل برده معندهوش أي مشكلة في ال جيش المصري العظيم اللي فاز في حرب أكتوبر العظيمة  في-73 ومن ساعتها ياما بيدو ذنب في بعض أو يبقو مديرين نوادي ومصانع, غالبا المصري الأصيل معندهوش أي مشكلة لما يبقى الطرق متكسره هيعرف يفاديها هيتصرف ,غالبا المصري الأصيل معندهوش أي مشكلة في ان يبقى تعريف الزحمة عنده إنه يعد في الشارع محبوس أرْبع ساعات أو ستة هو ورزقه وعادي اللي يروح عليه الامتحان يروح والي تروح عليه طيارته عادي برده ,

غالبا برده المصري الأصيل معندهوش أي مشكلة في ال فن المصري الأصيل واللي هو عبارة عن افراز بيطلع عندما يجتمع واحد يبقى المخرج, أي واحد , وواحد يكتب السيناريو ,أي سيناريو, وواحدة رقاصة أو سافلة ,مش أي واحدة طبعا !!لازم تبقى صاروخ , كل ده عادي وهيفضل عادي طول ما الممثلين لما يجو يقولو اسم ممثل تاني لازم يقول له قلها الأستاذ !! الأستاذ فاروق الفيشاوي الأستاذ نور الشريف حتى لو هو بيمثل دور واحد جاهل .

غالبا المصري الأصيل اللي خلاه أصيل هي اللي حاجات اللي بيحبها اللي فوق ديه وغالبا مش هيسمح لأي حد إنه يغير الحاجات ديه ,ليه نبقى زي امريكا ليه !! لازم نفضل مصريين واللي هيجي يفكر يغير !!! هنقوله

"أَخْرِجُوهُمْ مِنْ قَرْيَتِكُمْ إِنَّهُمْ أُنَاسٌ يَتَطَهَّرُونَ"

#Disappointed #youWillNotExistIn20yearsLater 

Advertisements

~ by Abdurhman Issa on August 30, 2013.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: